abedrabaiaاكيد هاي مش اول مره هاد الموضوع بينفتح قدامك أو بتقرأ عنه و كتير ناس بيمسكوا الصفات هاي و بتقدر تلاقيها لما تعمل بحث صغير على جوجل ، بس انا حبيت اكتب خمس اشياء من وجهة نظزي و اعطيك فكرتي عنها من وجهة نظري المتواضعي خلال فتره تأسيسي لمشروعي الشخصي و مساعدتي بمشاريع كتير ٬ و لو الصفات هاي مش فيك حاول اكتسبها لانها بتحل مشاكل كتير و بتساعدك في حياتك اليوميه
الشغف
زي ما حكى احد الحكماء اللي بعرفش اسمه انه اذا ما عندك شغف بمشروعك ليش موجع راسك فيه ؟
انه عنجد ليش بتغلب حالك ؟ لازم تكون بتحب الاشي اللي بتشتغل فيه عشان تعطيه كل شي عندك و تطلع السوبرمان اللي جواتك
الثقة
الصفه هاي مهمه عشان تعرف تشتغل و تتواصل مع الناس لانه اذا الناس حست انك مش واثق بنفسك كيف بدها تثق تشتغل معك !
كل اللي محتاج تعمله انك تاخد نفس عميق و تكرر في مكنونات نفس الداخليه انك قدها و انك احسن واحد ممكن يعمل المشروع هاد و ما حد بيقدر يشتغله عى طريقتك ! يلا يا وحش انت قدها !!
الانضباط
بتعرف وين مشكله اللي بيفتح مشروعه الاولى ؟
ببساطه انت مدير نفسك ! و ما في ساعه دوام تضبطك و فش خصم على الراتب ! فش راتب اساسا انت لسه ما جبت زباين انت بتضيع وقتك و مش عارف تضبط حالك و بتضيع !! اصحى يا عمو !!
لازم تضبط حالك و تعدف تنظم نفسك عشان الموضوع مش لعبه ! و اي غلطه ممكن تخرب عليك كتير لقدام !
الحزم
اذا انت من الناس اللي بيوقف عند الكاشير في المطعم و بيبلش يصفن و يسأل حاله شو بدي اكل اليوم ؟ حاول تختار بسرعه لانه الحكي هاد ما بيزبط مع المشاريع لازم تاخد قراراتك بسرعه و تعرف تحدد اذا هاد الشي منيح للمشروع او لأ !
الوقت اللي بتاخده و انت تفكر هاد ممكن يكون من وراه خسائر كتير دير بالك !
الجلد
اهم شغله لازم تفهمها انه الحياه رح تصير اصعب بس تقرر تفتح مشروعك ، اذا ما عندك جلّد و ما عند صبر و ما عندك قدره تحمل اهرب بسرعه و ارجع لحياتك الممله اللي كانت قبل لانه بعد المشروع هاد رح تصير مضرب المثل بدل ابو صابر !
رح تمر عليك ايام اسود من قلبي و صدقني رح تتعب كثير فلازم تستعد نفسيا للايام هاي !